कालीकाेट- सुत्केरी भएको १३ दिनपछि एक सुत्केरी महिलाको हवाई उद्धार गरिएकाे छ । सुत्केरी हुदा स्वास्थ्यमा जटिल अवस्था आएपछि सान्नीत्रिवेणी ४ बाट मान्म ल्याइएकी की २० वर्षीया लक्ष्मी शाहीलाई थप उपचारको लागि शुक्रवार दिउँसो नेपाली सेनाकाे हेलिकोप्टरबाट सुर्खेत पठाइएको डा. बन्दिता कार्कीले बताउनु भयाे । बैशाख ८ गते सुत्केरी भएकी शाहीको स्वास्थ्य अवस्थामा सुधार नआएपछि उपचारका लागि जिल्ला अस्पताल मान्म ल्याइएकाे थियाे । मान्ममा पनि सुधार नहुँदा सुर्खेत पठाइएको हो ।
शाहीको शरिरमा अक्सिजनको मात्रा न्यून भइ स्वास्थ्य अवस्था जटिल भएकाले हेलिकोप्टररबाट सुर्खेत लगिएको विरामीसँगै गएकी डा. रोशनी प्रजापतिले बताइन् । उनकाअनुसार विरामीको मुटुमा समस्या देखिएकाले सुर्खेत लगिएको हो । कालीकाेटका प्रमुख जिल्ला अधिकारी गणेश नेपालीले राष्टपति महिला उत्थान कार्यक्रमलाई पत्राचार गरेर सुत्केरी महिलाको हवाई उद्धार गरिएको बताउनु भयाे।
