
कालीकोट– सडक भाँसिएर अवरुद्ध भएको कर्णाली राजमार्ग एकतर्फी सूचारु भएको जिल्ला प्रहरी कार्यालय कालीकोटले जनाएको छ । सुर्खेत जुम्ला सडक खण्ड अन्तरगत कालीकोटको खाँडाचक्र नगरपालिका २ कालेखोला नजिकै सडक भाँसिदा अवरुद्ध भएको सडक दिउँसो देखि एकतर्फी सूचारु भएको हो ।
गएराती सडक भाँसिएर पहिरो गएपछि सडक पुर्णरुपमा अवरुद्ध भएको थियो । सडक सूचारु भएपछि रोकीएका साना यातायातका साधनहरु गन्तब्य तिर लागेका छन् । बस,ट्रक र अन्य ठुला यातायातका साधनहरु भने चल्न सकेका छैनन् । अहिले सडक मर्मतको काम भइरहेकाले भोली सम्म सडक पुर्ण रुपमा सडक सूचारु हुन सक्ने कार्यालय कालीकोटका प्रमुख डिएसपी टेक बहादुर रावतले बताउनु भयो ।