कालीकोट– उद्योग बाणिज्य संघ कालीकोटले प्रमुख जिल्ला अधिकारी र शसत्र प्रहरी वल आश्रीत गुल्म कालीकोटका डिएसपीलाई स्वागत गरेको छ । प्रमुख जिल्ला अधिकारी गोकर्ण राज सुयल र डिएसपी दिपेन्द्र चन्दलाई उद्योग बाणिज्य संघको हलमा एक कार्यक्रमका बिच स्वागत गरिएको हो ।
बजारमा हुने चोरीका घटनाहरु नियन्त्रण, सडक नियमित सूचारु, शान्ती सुरक्षा लगातका बिषयमा सहगोग र सहजिकरण गरिदिन हुन उद्योग बाणिज्य संघ कालीकोटका अध्यक्ष रतन बहादुर शाहीले अनुरोध गर्नु भएको छ । निजि क्षेत्र संगको समन्वय र सहकार्यमा जिल्लाको समग्र विकासका लागि आवश्यक पहल कदमी लिने प्रमुख जिल्ला अधिकारी सुयलले बताउनु भएको छ ।
स्वागत कार्यक्रमका जिल्ला प्रहरी कार्यालयका प्रमुख डिएसपी टेक बहादुर रावत, उद्योग बाणिज्य संघका पदाधिकारी र ब्यापारीहरुको सहभागीता रहेको थियो । स्वागत कार्यक्रमको संचालन उद्योग बाणिज्य संघ कालीकोटका कोषाध्यक्ष खकेन्द्र पाण्डेले गर्नु भएको थियो ।
