बहुउदेश्यीय प्रशासनिक भवनको शिलान्यासमै सिमित

कालीकोटको– खाँडाचक्र नगरपालिकाको बहुउदेश्यीय प्रशासनिक भवन शिलान्यासमै सिमित हुने भएको छ । ३६ महिनामा निर्माण कार्य सम्पन्न गर्ने गरी १९ करोड ६२ लाख रुपैयाँमा आर एन्ड सि एस निर्माण सेवाले ठेक्का लिएको थियो ।

निर्माण कार्य सुरु गर्दा भवन बनाउने स्थानमा पहिरो गएपछि निर्माण कार्य रोकीएको हो । पहिरोले ८ महिना देखि मान्म बजारमा मोटर साइल तथा गाडीहरु ओहोर दोहोर गर्न बन्द भएको छ । नगरपालिकाको बहुउदेश्यीय प्रशासनिक भवन निर्माणकाक्रमा सदरमुकाम जाने मुल बाटो अवरुद्ध भएपछि बजारक्षेत्रका ब्यवसायीहरु मर्कामा परेका छन् ।

तत्काल बजार क्षेत्रको सडक सुचारु गरिदिन सम्बन्धीत निकायलाई खबर गरिएको उद्योग बाणिज्य संघ कालीकोटका अध्यक्ष रतन बहादुर शाहीले बताउनु भयो । भनव निर्माण क्षेत्रमा पहिरो जान थालेपछि उक्त क्षेत्रका ३ वटा घर पसल खाली गरिएको छ । डिपीआर बनाउदा भवनको माथिलो भागमा वाल नभएको र भिरालो जमिनमा चट्टानी भिर माथि मोटो भएकाले पहिरो जान थालेको हो ।

बजार क्षेत्रको सडक अवरुद्ध भएको ब्यापाक गुनासो आएपछि नगरपालिकाले तत्काल सडक सूचारु गर्न निर्माण थालेको वाल काम सम्पन्न नहुदै भत्कीएको छ । ३७ मिटर चौडाइ र १६ मिटर लम्बाइमा खाँडाचक्र नगरपालिकाको बहुउदेश्यीय प्रशासनिक भवन बनाउने तयारी गरिएको छ ।