कालीकाेट- कर्णाली राजमार्ग पुर्णरुपमा सञ्चालनमा आएको छ। मंगलबार राति कर्णाली राजमार्ग अन्तरगत कालीकोट जिल्लाको खाँडाचक्र नगरपालिका– २, कालेखोलानजिकै सडक भासिएपछि सडक अवरुद्ध भएको थियो।
सडक डिभिजन कार्यालय जुम्लाले सडक बनाएपछि कर्णाली राजमार्ग सञ्चालनमा आएको कालीकाेटका प्रमुख जिल्ला अधिकारी गाेकर्ण राज सुयलले बताउनु भयाे । सडक भासिएकाे ठाउँमा ग्यामिन जाली भरेर सडक बनाउनु पर्ने भएकाले तत्कालका लागि सडककाे माथिल्लाे साइड कटिग गरेर राजमार्ग सुचारु गरिएकाे उहाँले बताउनु भयाे।
राति सडक भासिएको जानकारी प्राप्त भएपछि मर्मत सम्भारका लागि उपकरणसहित आवश्यक जनशक्ति परिचालन गरेर आज दिउँसो बाट सडक सञ्चालनमा आएपनि ठुला गाडीहरु पास हुन कठीन हुने कालीकाेटका डिएसपी टेक बहादुर रावतले बताउनु भयाे । याे समाचार तयार पार्दा सम्म सडक सुधारकाे काम भइरहेकाे छ ।
