कालीकोट– नेपाल सरकारले राष्ट्रहित, लोकतन्त्र, र अग्रगामी परिवर्तनका लागि भएका बिभिन्न आन्दोलन,सशस्त्र संर्घष र क्रान्तीका क्रममा सहादत प्राप्त गर्ने कालीकोटका २ सय ७१ जनालाई शहिद घोषणा गरेको छ ।
मन्त्रीपरिषद्को पौष २४ गते बसेको बैठकको निर्णय अनुसार गृह मन्त्रालयले बिहिबार प्रकाशन गरेको राजपत्रमा देशभरका २ हजार ६ सय ७४ जना शहिद घोषणा भएका हुन् ।
२०५२ सालमा तत्कालीन नेकपा माओबादीले सुरु गरेको जनयुद्धका क्रममा राज्य पक्ष र बिद्रोही पक्ष भनिएको नेकपा माओबादी बिच भएको युद्धमा परि कालीकोटमा धेरै नागरिकले ज्यान गुमाएका थिए ।
