कालीकोट– जिल्ला प्रहरी कार्यालय कालीकोटले दशै तिहारलाइ लक्षित गर्दै जिल्लाका चार ठाउँमा यात्रु सहायता कक्षको सुरुवात गरेको छ । चाडपर्वमा हुने बिभिन्न सवारी दुर्घटना र यात्रुलाई आइपर्ने समस्यालाई मध्यनजर गर्दै यात्रु सहायता कक्षको स्थापना गरिएको हो ।
जिल्ला ट्राफिक प्रहरी कार्यालय कालीकोट, इलाका प्रहरी कार्यालय स्युना, प्रहरी चौकी पद्मघाट र अस्थायी प्रहरी पोष्ट हुल्ममा यात्रु सहायता कक्ष स्थापना गरिएको जिल्ला प्रहरी कार्यालय प्रमुख डिएसपी हिम बहादुर खत्रीले बताउनु भयो । यात्रुलाई कुनै समस्या परेमा जिल्ला प्रहरी कार्यालयको टोलफ्री नं. १०० मा फोन गर्न सकिने छ ।
