सुर्खेत,कैलाली, बर्दिया र बाँकेमा शिविर संचालन हुदै
कालीकोट- खाँडाचक्र नगरपालिकाले सुर्खेत, कैलाली, बर्दिया र बाँकेमा सामाजिक सुरक्षा भत्ता नविकरण शिविर संचालन गर्न लागेको छ । नगरपालिकाले ९ गते एक सूचना जारी गर्दै ४ जिल्लामा शिविर संचालन हुने जनाएको छ ।
खाँडाचक्र नगरपालिका घर ठेगाना भई कामकाजको सिलसिलमा अन्यत्र बसोबास गर्दै आएका नागरिकहरुको सेवा सुबिधाका लागि सामाजिक सुरक्षा भत्ता नविकरण शिविर संचालन गर्न लागिएको नगर प्रमुख कमल बहादुर शाहीले बताउनु भयो । शिविर भाद्र १२ र १३ गते सर्खेतको मंगलगडी चोकमा, १५ र १६ गते कर्णाली चिसापानीमा र १७ गते कोहपुर चौराहामा संचालन हुने एमआइएस अपरेटर कलम बहादुर शाहीले बताउनु भयो ।
शिविरमा सेवा लिन आउने सेवाग्राहीले नागरिकता प्रमाण पत्र प्रतिलिपि, राष्ट्रिय परिचयपत्र, सामाजिक सुरक्षा भत्ता परिचय पत्र, बालबालिकाको हकमा जन्मदार्त प्रमाण पत्र र संरक्षकको राष्ट्रिय परिचय पत्र, बिधुवाको हकमा मृत्य दर्ता प्रमाण पत्र र अपांगताको हरमा अपांगता परचय पत्र साथमा ल्याउनु पर्ने उल्लेख गरिएको छ ।
