कालीकोट– सुर्खेतबाट कालीकोट आउदै गरेको ३०२ प ८५६६ नम्बरको मोटर साइकल बुधबार साँझ दुर्घटना हुदाँ एक जनाको मृत्यु भएको छ । दैलेखको चाँमुण्डाबिन्दासैनी नगरपालिका ७ रामाघाट नजिकै मोटर साइकल दुर्घटनामा परी खाँडाचक्र नगरपालिका ११ बर्ष १८ का एडमन शाहीको मृत्यु भएको जिल्ला प्रहरी कार्यालय दैलेखका डिएसपी गणेश बहादुर बरालले बताउनु भयो ।
कर्णाली प्रदेश ०२–००१ ख ०२७५ नम्बरको मिनिट्रकलाइ ओभरटेक गर्ने क्रममा दुर्घटना भएको प्रहरी बताएको छ । दुर्घटनामा घाईते भएका शाहीलाइ उपचारका लागि कर्णाली प्रदेश अस्पताल सुर्खेत पुगाएपछि डाक्टरले मृत घोषणा गरेका थिए ।
दाङ तुल्सीपुर उपमहानगर पालिका १८ बस्ने बर्ष ४८ का ट्रक चाकल बालाराम खड्का र खाँडाचक्र नगरपालिका ११ बस्ने बर्ष २३ का मोटरसाइकल चाकल विपिन भारतीलाई प्रहरीले नियन्त्रणमा लिएको छ ।
