कालीकोट- कर्णाली करिडोरको खुलालु–हिल्सा सडक खण्डअन्तर्गत बाजुराको भुका खोलामा मोटरसाइकल दुर्घटना हुँदा सान्नीत्रिवेणी–८ मुम्राका २७ वर्षीय खेमराज बुढाको मोटरसाइकल दुर्घटना हुँदा बिहीबार घटनास्थलमै मृत्यु भएको छ । मोटरसाइकलमा सवार जगन्नाथ–४ बाजुराका खड्क भण्डारी घाइते भएका छन् ।
कालीकोटबाट जगन्नाथ–४ का जडीबुडी व्यापारी भण्डारीलाई घर पुर्याउन जानलागेका बुढा दुर्घटनामा परेका हुन् । घटनास्थल कालीकोट र बाजुराको सिमाना नजिकै पर्छ ।
कर्णाली प्रदेश ०२००१ प ४१ नम्बरको मोटरसाइकल अनियन्त्रित भइ भुका खोलामा दुर्घटना हुँदा चालक बुढाको भीरबाट खसेर घटनास्थलमै मृत्यु भएको र माेटरसाइकलकाे पछाडी सवार भण्डारी मोटरसाइकल सगै सडकमै अड्किएको कालीकोटका प्रहरी प्रमुख टेकबहादुर रावतले बताउनु भयाे ।
मोटरसाइकल दुर्घटनाको खबर आएपछि कालीकोटको रास्कोट र बाजुराको कोल्टी प्रहरी चौकीबाट प्रहरी टोली घटनास्थल पुगेर भीरबाट मृतकको शव निकालेर अफन्तको जिम्मा लगाएको छ भने घाइतेलाई उपचारका लागि अस्पताल पठाइएको छ ।
