डिजिटल सेवा प्रवाह सम्बन्धी अन्तरक्रिया
कालीकोट- क्यान महासंघ जिल्ला शाखा कालीकोटले डिजिटल सेवा प्रवाहमा देखिएमा समस्या र समाधानका उपाय बिषयक एक दिने अन्तरक्रिया मान्ममा सम्पन्न गरेको छ । “सुरक्षित सूचना प्रविधि, सुशासन र समृद्धि” भन्ने मुल नाराका साथ राष्ट्रिय सूचना तथा संचार प्रविधि दिवस २०८० को अवसरमा अन्तरक्रिया कार्यक्रम सम्पन्न गरिएको हो ।
सरकारी कार्यालयका प्रमुख पत्रकार, उद्योग बाणिज्य संघ लगायतको सहभागीतामा जिल्ला प्रशासन कार्यालयको सभाहलमा अन्तरक्रिया कार्यक्रम गरिएको थियो । अन्तरक्रिया कार्यक्रममा सहभागीले डिजिटल सेवा प्रवाह तथा राजश्व सम्बन्धी तालिम दिनु पर्ने बताएका छन् । कार्यक्रमका प्रमुख अतिथि प्रमुख जिल्ला अधिकारी जोरासिह माझीले सेवाग्राहीलाइ सहज सेवा प्रवाह हुने गरी डिजिटल सेवा प्रदान गर्न अनुरोध गर्नु भयो । क्यान महासंघ जिल्ला शाखा अध्यक्ष पवन बमको अध्यक्षतामा कार्यक्रम सम्पन्न भएको छ ।
