रुडुमा फैलिएको ईफ्लुएन्जा-वि भाईरस हो –स्वास्थ्य सेवा कार्यालय कालीकाेट
![](https://newsredpanda.com/wp-content/uploads/2023/07/Hospital-780x470.jpg)
कालीकोट– असारको तेस्रो हप्ता तिलागुफा नगरपालिका–१० रुडुमा फैलिएको रोग ईफ्लुएन्जा वि भाईरस भएको स्वास्थ्य सेवा कार्यालय कालीकोटले जनाएकाे छ । त्यहाँको रुडु गाउँमा फैलिएको भाइसरले एक जनाको मृत्यु भएको थियो । १ सय ७८ जना बिरामी परेका थिए ।
गाउँमा सबै बिरामी परेको खबर पाएपछि तत्काल तिलागुफा नगर अस्पताल प्रमुख डाक्टर टंक प्रसाद आर्चाय सहितको स्वास्थ्य कर्मीको टोली र स्वास्थ्य सेवा कार्यालय कालीकोटका मेडिकल अधिकृत डाक्टर रामानन्द चौधरीको नेतृत्वमा जिल्लाबाट गएको पाँच सदस्यीय स्वास्थ्यकर्मीको टोलीले रुडु पुगेर बिरामीको चेकजाँच गरेको थियो ।
३ सय ११ जनाको चेक जाँच गरिएको थियो । जस मध्य ९ जनाको रक्त नमुना र १० जनाको स्वाप संकलन गरेर राष्ट्रिय जनस्वास्थ्य प्रयोगशाला टेकु पठाइएको थियो । राष्ट्रिय जनस्वास्थ्य प्रयोगशालाले तिलागुफामा फैलिएको रोग ईफ्लुएन्जा वि भाईरस भएको पुष्टि गरेकाे स्वास्थ्य सेवा कार्यालय कालीकोटका सूचना अधिकारी कटक महतले बताउनु भयो । यस रोगले बालबालिकालाई बढी असर गर्ने भएकाले सुरक्षित रहन स्वास्थ्य सवा कार्यालय कालीकोटले अनुरोध गरेको छ ।
Ola, quería saber o seu prezo.