बन्यो बाटो, जोगियो ज्यान

कालीकोट– खाँडाचक्र नगरपालिका ३ को ताडीगाउँका स्थानीयले बाटो बनेपछि ज्यान जोगिएको बताएका छन् । नजिकको स्थानीय सरकारले बर्षौदेखि अधुरो रहेको लिस्नी भिरको बाटो निर्माणको काम सुरु गरेको छ । खाँडाचक्र नगरपालिकाले समानीकरणको ६ लाख बजेट विनियोजन गरेर यसै बर्षबाट ३ नं वडाको लिस्नीभिर बाटो निर्माणको काम सुरु गरेको हो । गाउँवाट मेलापात जान लिस्नी भिरको बाटो छोटो छ ।

बाटो छोटो भएपनि असाध्यै भिरालो भएकाले मेलापात गर्ने क्रममा भिरबाट लेडर तीन जनाको ज्यान गएको खाँडाचक्र ३ का वडा अध्यक्ष दधिप्रसाद पाण्डेले बताए । शनिबार कामको अन्तीम मुल्याङ्कनका लागि लिस्नीभिर पुगेको खाँडाचक्र नगरपालिकाका ईन्जिनियर रत्न भण्डारी भने बाटो निर्माण भएकोमा स्थानीय खुशी देखिन्छन् । सबैका लागि साझाँ प्राथमिकतामा पढेको लिस्नीभिर बाटो यस पटक गाउँमै सानो उपभोक्ता समिति बनाएर कामको सुरु गरिएको खाँडाचक्र नगरपालिका उपमेयर गणेश बहादुर शाहीले बताए । स्थानीय सरकारको बजेट भन्दा धेरै मुल्याङ्कन आउने गरि काम गरेको उपभोक्ता समितिका अध्यक्ष जग्ग प्रसाद पाण्डेले बताए ।
उनले भने हामीले हाम्रा लागि बाटो बनाउनु पर्ने भएकाले हामीले कडा मेहनतका साथ चट्टान र भिर फुटाएको छौं । ताडीगाउँ देखि रातीमाटि,लिस्नीभिर,बाँझपढ्ने थला, धुरा हुदैं माझपानी जोड्न सकिने लिस्नीभिरको बाटो यस बर्ष बजेट अपुग भएकाले अप्ठेरो ठाउँमा मात्र काम गरेर सकिएको छ । बाटो बनेपछि गाउँका करिव ५ सय भन्दा बढी घरधुरीका ३ हजार बढीले लिस्नी भिरबाटोको प्रयोग गर्ने स्थानीय अर्चना बोगटीले बताइन् ।

सधै लिस्नीभिरको बाटो हुँदै दाउँरा,घाँस गर्ने स्थानीय मिम्का पाण्डेले बाटो बनेपछि ज्यान जोगिएको बताइन् । भिरालो बाटो भएकाले मेलापात जाँदा घर पुग्छु पुग्दिन भन्ने चिन्ता हुन्थ्यो पाण्डेले सुनाइन् ।
करिव दश किलोमिटर रहेको गोरेटो बाटो पुर्णरुपमा निर्माण भएमा ताडी गाउँका स्थानीयको दिनचर्यानै फेरिने छ । घर निर्माणका लागि काठ, गाई, भैसीका लागि स्याउला घाँस र दैनिकी चलाउन दाउँरा स्थानीयले यहीँबाटो बाट ल्याउने गरेका छन् ।