महावै शैक्षिक सम्मेलन सम्पन्न ८ बुदे घोषणा पत्र जारी

कालीकोट– महावै गाउँपालिकाले बृहत शैशिक सम्मेलन बिहीबार सम्पन्न गरेको छ । शैक्षिक सुधारका लागि गाउँपालिकाले सम्मेलनको आयोजना गरेको गाउँपालिका अध्यक्ष खेमबहादुर सिंहले बताउनु भयो । सबैका छोराछोरी नियमित सामुदायिक बिद्यालयमा पढाउने, बिद्यालय प्रधानाध्यापकले शिक्षकको नियमित कार्य सम्पादनका आधारमा दण्ड र पुरुस्कारको ब्यवस्था गर्ने घोषणा पत्रमा उल्लेख गरिएको छ ।

त्यस्तै त्रैमासिक अभिभावक भेला गर्ने, वडा कार्यालय, शिक्षा शाखा, गाउँ शिक्षा समिति बिच समन्वय गर्ने उल्लेख गरिएको छ । ब्यवस्थित र मर्यादित परिक्षा संचालन गर्ने, शैक्षिक शत्र सुरु हुनासाथ पाठ्यपुस्तक उपलब्ध गराउने, स्थानीय पाठ्यक्रम अनुसारको पाठ्यपुस्तक निर्माण गरी समयमै बिद्यालयमा उपलब्ध गराउने र आवश्यताका आधारमा बिद्यालय, कक्षा कोठा थप्प गर्ने वा गाभ्ने भन्ने बिषयमा पनि गाउँपालिकाले निर्णय लिने घोषणा पत्रमा उल्लेख छ ।
गुणस्तरिय शिक्षाका लागि बृहत शैक्षिक सम्मेलन गरिएको गाउँपालिका उपाध्यक्ष दानसिंह सेजुवालले बताउनु भयो । शैक्षिक सम्मेलन सहजिकरणका लागि मध्यपश्चिमा अञ्चल बिश्व बिद्यालयका उपकुलपती डाक्टर नन्द बहादुर सिंहको सहभागीता रहेको थियो । गाउँपालिका कार्यालय गैराखाडामा भएको सम्मेलनमा प्रमुख प्रशासकीय अधिकृत गणेशमान सिंह, शिक्षा शाखा प्रमख, शिक्षक लगायतका सरोकारवालाको सहभागीता रहेको शिक्षक टक्क बहादुर सिंहले बताउनु भयो ।