कालीकोट– महाबै गाउँपालिका ३ का वडा अध्यक्ष पदम बहादुर सिंहलाई शुक्रबार राती स्थानीय युवाले कुटपिट गरेका छन् । सिंह आफ्नो घरमा बसिरहेको बेला चार जनाको समुहमा आएका युवाले कुटपिट गरेको गाउँपालिका अध्यक्ष खेम बहादुर सिंह द्धारा जारी प्रेस बिज्ञप्तीमा उल्लेख छ । धारीलो हतियार प्रयोग गरी ज्यान मार्ने उदेश्यले गरीएको आक्रमण निन्दनीय छ बिज्ञप्तीमा भनिएको छ । मदिरा खाएर आएका स्थानीय जीवन सिंह,तारा सिंह, टोप सिंह र घमण्ड शाहीले कुटपिट गर्दा वडा अध्यक्षको सिंहको टाउकोमा ७ वटा टाँका लागेको बताइएको छ । कुटपिट बाट गम्भिर घाइते भएका वडा अध्यक्षलाई स्थानीय स्वास्थ्य चौकीमा प्राथमिक उपचारपछि थप उपचारका लागि जिल्ला अस्पताल कालीकोट ल्याउन लागिएको स्थानीय टंक सिंहले बताउनु भयो ।
