कालीकोट- कर्णाली राजमार्गको सुर्खेत–जुम्ला सडक अन्तर्गत कालीकोटको गगने खोलामा पहिरो खस्दा सोमबार बिहानदेखि सडक अवरुद्ध भएको छ ।
आइतबार बेलुकीदेखिको वर्षाले गगने खोलामा पहिरो गएपछि कर्णाली राजमार्ग अवरुद्ध भएको हाे । अत्यधिक वर्षाका कारण पहिराे खसेकाे जिल्ला प्रहरी कार्यालयका सूचना अधिकारी इन्सेपेक्टर बिर बहादुर सुनारले बताउनु भयाे । उहाँका अनुसार अहिले पहिरो पन्छाउने काम भइरहेका छ ।
सडक अवरुद्ध हुँदा कालिकोट, जुम्ला मुगु, बाजुरा, हुम्लाबाट सुर्खेत जाने र त्यताबाट माथितिर आउने गाडी रोकिएको प्रहरीले जनाएको छ । कर्णाली राजमार्ग वर्षा लागे पहिरोले अवरुद्ध हुने समस्याले सास्ती हुने गरेको छ ।
