कालीकोट–कर्णाली राजमार्गको कालीकोट–जुम्ला सडक खण्ड अन्तरगत तिलागुफा नगरपालिका ६ गोठीभिरमा गएको पहिरोले अवरुद्ध भएको राजमार्ग सुचारु भएको छ ।
सडक डिभिजन कार्यालय जुम्ला, नेपाली सेना, नेपाल प्रहरी, स्थानीय सरकार र जिल्ला प्रशासन कार्यालय कालीकोटको पहलमा रागमार्ग सुचारु गरिएको हो । भिरालो जमिनमा ग्यामीन भरेर बनाएको सडक पहिरोले लगेपछि ठुला यातायातका साधनहरु ओहोर–दोहोर गर्न निकै कठिनाइ भएको थियो ।
सडकको चट्टानी खण्ड बलाष्टिङ्क गरेर सडक सुचारु गरिएको सडक डिभिजन कार्यालय जुम्लाले जनाएको छ । असार २० गतेको अविरल बर्षका कारण पहिरो गइ सडक अवरुद्ध भएको थियो ।
