कालीकाेट- तिलागुफा नगरपालिकाको तेस्रो नगरपालिका स्तरिय राष्ट्रपति रनिङ शिल्ड प्रतियोगिता साेमबार कालिका मा.बि राँचुलिमा उद्घाटन भएको छ । प्रतियाेगिताकाे उद्घाटन नगर प्रमुख शंकर प्रसाद उपाध्यायले गर्नु भएको हाे । उपाध्यायले प्रत्येक वडा हरुले जग्गा उपलब्ध गराएको खण्डमा अबको ५ बर्ष अर्थात आफ्नो कार्यकालमा ११ वटै मा.बि हरुमा पालिका स्तरिय रंगशाला निर्माण गर्ने प्रतिबद्धता गर्नु भएको छ ।
प्रतियोगिताकाे उद्घाटन सभामा नगर उपप्रमुख महेन्द्र बहादुर शाहीले खेलकुद स्वास्थ्य र राष्ट्रका लागि भएकाले नगरपालिकाले खेल क्षेत्रमा लगानी बढाउने बताउनु भयाे । खेलकुदमा तिलागुफाका सबै मावि बिद्यालय सहभागी हुने जनाइएको छ ।
