कालीकोट– जिल्ला समन्वय समिति कालीकोटले गरेको संस्थागत क्षमता स्वमूल्याङ्कन र वित्तिय सुशासन जोखिम मूल्याङ्कनमा कालीकोटका ९ वटै स्थानीयतह मध्यम जोखिममा रहेको पाइएको छ । जिल्ला समन्वय समितिले प्रत्येक बर्षको पौष मसान्त सम्म मूल्याङ्कन कार्य गर्ने गर्द छ ।
आ.व. २०७८/०७९ मा स्थानीयतहमा भए गरेका कार्यहरुको मूल्याङ्कन गरि मंगलबार जिल्ला समन्वय समितिले नतिजा प्रकासन गरेको जिल्ला समन्वय अधिकारी तिलक प्रसाद आर्चायले बताउनु भयो । सार्वजनिक गरिएको नतिजा अनुसार संस्थागत क्षमता स्वमूल्याङ्कनमा ७२.७५ अंक ल्याएर तिलागुफा नगरपालिका प्रथम भएको छ । वित्तिय सुशासन जोखिम मूल्याङ्कनमा ७०.५ ल्याएर नरहरिनाथ गाउँपालिका प्रथम भएको छ । नतिजा अनुसार संस्थागत क्षमता स्वमूल्याङ्कनमा शुभकालीका गाउँपालिका र वित्तिय सुशासन जोखिम मूल्याङ्कनमा महाबै गाउँपालिका कम्जोर देखिएका छन् । कम्जोर देखिएका स्थानीयतहमा संघ र प्रदेशबाट प्राप्तहुने अनुदान रकम घट्ने छ ।
