कालीकोट पुर्णखोप सुनिश्चितता तथा दिगोपना जिल्ला घोषणा गरिदै
कालीकोट– स्थानीय स्रोतको उपयोग,स्वामित्व र सहभागिता, पुर्णखोज सुनिश्चितता, हाम्रो प्रतिवद्धता भन्ने मुल नाराको साथ आज (शनिबार) कालीकोट जिल्ला पुर्णखोप सुनिश्चितता तथा दिगोपना जिल्ला घोषणा गरिदै छ ।
कालीकोटको सदरमुकाम मान्मको होटल चन्द्र सर्यमा सुरु भएको घोषणा कार्यक्रमको उद्घाटन कर्णाली प्रदेश सरकारका प्रथम मुख्यमन्त्री तथा संघिय सांसद मानीय महेन्द्र बहादुर शाहीले गर्नु भएको छ । जिल्ला पुर्णखोप समन्वय समिति कालीकोटले आयोजना गरेको घोषणा सभामा किर्डाक नेपाल र पलान नेपालको सहयोग रहेको जनाइएको छ ।
सभालाई सफल बनाउन स्थानीय तहका प्रमुख तथा प्रतिनिधि, प्रमुख जिल्ला अधिकारी नारायण प्रसाद भट्टाई, जिल्ला प्रहरी प्रमुख डिएसपी टेक बहादुर रावत, जिल्ला स्थीत सरकारी कार्यालयका प्रमुख, स्वास्थ्यकर्मी र संचारकर्मीको सहभागीता रहेको जिल्ला स्वास्थ्य सेवा कार्यालय कालीकोटका सूचना अधिकारी कटक महतले बताउनु भयो ।
