आइतबार कालीकोट-जुम्ला सडक खण्डमा सवारी साधन नचल्ने

कालीकोट– आइतबार कालीकोट-जुम्ला सडक खण्डको खल्लागाड देखि नाग्म बजार सम्म अत्यावश्यक सवारी साधन बाहेक अन्य सवारी साधन नचल्ने भएका छन् । बिहिबार जिल्ला प्रशासन कार्यालय कालीकोटले एक सूचना जारी गर्दै उक्त दिन सवारी साधन नचल्ने जनाएको हाे।

स्थानीय तह उपनिर्वाचन २०८१ मंसिर १६ गते हुने भएकाले शान्ती सुरक्षा कायम राख्न र निर्वाचन आचार संहिता पुर्ण रुपमा कार्यान्वयन गर्न सूचना जारी गरिएको प्रमुख जिल्ला अधिकारी नारायण प्रसाद भट्टराईले बताउनु भयो । तिलागुफा नगरपलिका ४ राँचुलीमा वडा अध्यक्ष पदका लागि १६ गते उपनिर्वाचन हुदै छ। १६ गते आइतबार बिहान ७ बजेदेखि बेलुकी ५ बजे सम्म मतदान हुने छ ।