कालीकोट– हिमालयन लाइफ इन्स्योरेन्स लिमिटेड कालीकोट शाखाले जीवन बीमा सम्बन्धी एक दिने आधारभूत तालिम सदरमुकाम मान्ममा सम्पन्न गरेको छ । जीवन बीमा सम्बन्धी ब्यापक जनचेता जगाउने तथा नयाँ बीमितहरुका लागि बीमा सम्बन्धी जानकारी दिने उदेश्यले तालिमको आयोजना गरिएको हो ।
तालिमको सहजिकरण हिमालयन लाइफ इन्स्योरेन्स कम्पनी लिमिटेडका जिल्ला शाखा प्रमुख करबहादुर शाही गर्नु भएको छ । प्राईम लाइफ इन्स्योरेन्स, गुराँस लाइफ इन्स्योरेन्स र युनियन लाइफ इन्स्योरेन्स मिलेर बनेको हिमालयन लाइफ इन्स्योरेन्सले पहिलो पटक कालीकोटमा आधारभूत तालिम संचालन गरेको हो । हिमालयन लाइफ इन्स्योरेन्स कम्पनी लिमिटेडमा कालीकोट शाखामा अहिले ३ हजार भन्दा बढी बीमित रहेको शाखा प्रमुख करबहादुर शाहीले बताउनु भयो ।
