कालीकोट– कर्णाली प्रदेश स्तरिय यु–१६ क्रिकेट खेलाडी छनोट प्रतियोगितामा बिभ्द गरिएको पाइएको छ । जेष्ठ ३ गते देखि सुर्खेतको बिरेन्द्रनगरमा सुरु भएको क्रिकेट खेलमा कालीकोट उप बिजेता बनेको थियो । नेपाल क्रिकेट संघको आयोजना र कर्णाली प्रदेश क्रिकेट संघको सह–आयोजनामा जेष्ठ १९ गतेदेखि ३१ गतेसम्म कर्णाली प्रदेशमा आयोजना हुने यू–१६ क्रिकेट खेलका लागि खेलाडी छनोट गर्दा बिभेद गरिएको जिल्ला क्रिकेट संघ कालीकोटले जनाएको छ ।
प्रदेश स्तरिय यु–१६ क्रिकेट खेलाडी छनोट प्रतियोगितामा कर्णाली प्रदेशका सुर्खेत,रुकुम,सल्यान,दैलेख र कालीकोट जिल्लाले भाग लिएका थिए । खेलाडी छनोटमा उप–बिजेता बनेको कालीकोटबाट एक जनामात्र खेलाडी छनोट गरिएको छ ।
बिजेता जिल्ला सुर्खेत बाट ९ जना खेलाडी छनोट हुँदा उप–बिजेता जिल्ला कालीकोटबाट १ जना मात्र खेलाडी छनोट गरिएको छ । त्यस्तै रुकुम २,सल्यान २ र दैलेखबाट २ जना खेलाडी छनोट गरिएको छ । खेलाडी छनोटमा भएको तृटीका बिषयमा जिल्ला शाखा संग आवश्यक छलफल गरेर अगाडी बढ्ने कर्णाली प्रदेश क्रिकेट संघका अध्यक्ष पदम खड्काले बताउनु भयो ।
