कालीकोट–महावै गाउँपालिकाले भुकम्प प्रभावित क्षेत्र जाजरकोटको जुनिचाँदे गाउँपालिका ११ मा पुगेर राहत वितरण गरेको छ । भुकम्प पीडितकालाई दुई लाख रुपैया बराबरको कम्मल र पाल वितरण गरिएको गाउँपालिका अध्यक्ष खेमबहादुर सिंहले बताउनु भयो । राहत वितरणका लागि गाउँपालिका अध्यक्ष सहित निमित्त प्रमुख प्रशासकीय अधिकृत प्रकाश शाही, लेखापाल मलिम रावत र नासु गणेश बहादुर सिंह जाजरकोट पुगेका हुन् ।
