कालीकोट– सरकारले आ.व २०८१/०८२ का लागि कालीकोटका ९ वटा स्थानीय तह मध्य सबै भन्दा बढी बजेट नरहरिनाथ गाउँपालिकामा पठाएको छ । सबै भन्दा कम बजेट महाबै गाउँपालिकालाई बित्तीय हस्तान्त्रण गरिएको छ । खाँडाचक्रमा ३६ करोड ४७ लाख, तिलागुफामा ३१ करोड ३४ लाख, रास्कोट नगरपालिकामा ३१ करोड ५० लाख बित्तीय हस्तान्त्रण गरेको छ ।
त्यस्तै शुभकालीकामा २७ करोड ५० लाख, नरहरिनाथमा ३७ करोड ७६ लाख, पचालझरना २६ करोड ८४ लाख, पलाँता ३० करोड ६८ लाख, महाबै २१ करोड ८१ लाख र सान्नीत्रिवेणी गाउँपालिकामा २६ करोड २१ लाख बित्तीय हस्तान्त्रण गरेको छ । सरकारले स्थानीय तहमा बित्तीय हस्तान्त्रण गर्दा जनसंख्या, भुगोल, कार्य सम्पादन मुल्याङ्कन लगायतका आधारमा गर्ने गरेको छ ।
