कालीकोट- खाँडाचक्र नगरपालिका १० चौकीमा भएको कुटपिटबाट एक जनाको मुत्यु भएको छ । बुधबार राती हस्तबहादुर मल्लको घरको पछेटा गर्ने क्रममा रमाइलो हेर्न आएका युवाहरु बिच झै झगडा भइ कुटपिट हुदाँ तिलागुफा नगरपालिका ७ छाप्रेका १७ बर्षिया राजेश शाही मृत्यु भएको सहायक प्रमुख जिल्ला अधिकारी जनक शर्माले बताउनु भयो । बर्ष १६ का भुपेन्द्र शाही घाइते भएका छन् । कुटपिटमा संलग्न रहेको आरोपमा प्रहरीले खाँडाचक्र ९ का बिवेक मल्ल र बर्ष १४ का दिपेन्द्र मल्ललाई प्रहरीले नियन्त्रणमा लिएको र अन्य ब्यक्तीको खोजी भइरहेको घटना स्थलमै रहेका डिएसपी टेक बहादुर रावतले बताउनु भयो ।
