हुम्लाका पाँच स्थानीयतह प्रमुख प्रशासकीय अधिकृत विहीन

हुम्ला– हुम्ला जिल्लाका पाँच स्थानीयतह प्रमुख प्रशासकीय अधिकृत विहीन भएका छन् । माघ दोस्रो सातादेखि हुम्लाका सिमकोट, सर्केगाड, चङ्खेली, अदानचुली र ताँजाकोट गाउँपालिका प्रमुख प्रशासकीय अधिकृत विहीन भएका हुन् । सरकारले नियुक्त गरेका नयाँ प्रमुख प्रशासकीय अधिकृत याे समाचार तयार पार्दा सम्म गाउँपालिकामा पुगेका छैनन् ।

स्थानीय तहमा नयाँ कार्यकारी नआउँदा कामकाज ठप्प भएको छ । यी गाउँपालिकाले हिउँदे गाउँसभा गर्न सकेका छैनन् । अदानचुली गाउँपालिकाले गत माघ २७ गते हिउँदे गाउँसभा गर्ने निर्णय गरेकाे थियाे । नयाँ प्रशासकीय अधिकृत नआउँदा समस्या भएको गाउँपालिकाका अध्यक्ष मोहनविक्रम सिंहले बताउनु भयाे । सरकारले कर्णाली धेरै स्थानीय तहमा निमित्त प्रमुख प्रशाुकीय अधिकृतबाट कामकाज गराउदै आएकाे छ ।