डोल्पा- पहिलो पटक डोल्पामा माध्यमिक शिक्षा परीक्षा(एसईई) मा मेटल डिटेक्टर मेसिनकाे प्रयोग गरेर परीक्षार्थीको जाँच गरिएको छ । बिहिबार देखि सुरु भएको परीक्षामा बिद्यार्थीले हलमा प्रभावित पार्ने खालका उपकरणहरु ल्याए/नल्याएको जाँच गर्नका लागि मेटल डिटेक्टरको प्रयोग गरिएको हो ।
परीक्षा हलमा मोबाइल फोन लगायतका विद्युतीय सामग्री लैजान नपाउन् भनेर जिल्लामै पहलोपटक चेकजाँचका लागि मेटल डिटेक्टरको प्रयोग गरिएको हो । विगतमा परीक्षा हलभित्रै मोबाइल प्रयोग भएका घटनाहरु बाहिरिएकाले यसपटक कडाई गरिएको हाे । यसपटककाे एसईईमा ७ सय ७५ विद्यार्थी सहभागी हुने छन् ।
