जाजरकोटमा जिप दुर्घटना हुँदा २ को मृत्यु, एक जना घाइते

जाजरकोट- जाजरकोटमा जिप दुर्घटना हुँदा २ को मृत्यु भएको छ भने १ जना घाइते भएका छन् । मध्यपहाडी राजमार्गको जाजरकोट खण्डअन्तर्गत भेरी नगरपालिका-१० को नुवागाउँमा बुधबार बाेलेरो जिप दुर्घटना भएकाे हाे  । सिंह एण्ड ब्रदर्स निर्माण सेवा प्रालिको प्रदेश नं ३ ०१०२३ च ४७१९ नम्बरको जिप नुवागाउँ कृष्ण मन्दिर नजिकको भिरबाट अन्दाजी ३०० मिटर तल खसेको थियाे। गाडीमा सवार ४ जनामध्ये १ जना घाइते अवस्थामा उद्धार गरिएको छ । दुई जनाको घटनास्थलमै मृत्यु भएको प्रहरीले जनाएको छ ।