कालीकोट–पलाँता गाउँपालिका ८ निवासी राजेन्द्र रोकायाले आफ्नै श्रीमतीको हत्या गरेको आरोपमा प्रहरीले पक्राउ गरेको छ । रोकायाले आफ्नै श्रीमती अन्दाजी २९ बर्षिया उर्मिला रोकाया १७ गते माइती घर जान्छु भनेर गएको तर माइती घर नपुगेपछि खोज खबर गर्दा देउगैडा भिरबाट लडी मृत्यु भएको बताएका थिए । घटनाको खबर पाउना साथ प्रहरीको टोलीले घटना स्थलको अध्यायन अनुसन्धान गर्दै जाँदा प्रतिवादी राजेन्द्र रोकायाले श्रीमतीलाई कुटपिट गरि हत्या गरि डोकोमा हालि उक्त भिरमा लगि फालेको खुल्ल आएको जिल्ला प्रहरी कार्यालयका सूचना अधिकारी पोषण थापाले बताउनु भयो । जिल्ला अदालत कालिकोटबाट पाँच दिनको म्याद लिइ प्रहरीले रोकाया माथि थप अनुसन्धान गरि रहेको छ ।
