कालीकोट-पहिरोले भवन भत्किएपछि नरहरिनाथ-६ माल्कोटमा रहेकाे शान्ती माद्यामिक बिद्यालय रातीमाटा बन्द भएकाे छ । गत सोमबार बेलुकी विद्यालय भवनकाे माथिबाट झरेको पहिरोले दुई कोठे पक्की भवन भत्किएकाे छ । पहिराेले खानेपानी, फर्निचर लगायतका संरचनामा क्षति पुगेपछि मंगलबारदेखि विद्यालय बन्द भएकाे हाे ।
बाल विकास केन्द्रदेखि कक्षा १२ सम्म पढाइ हुने शान्ति माविको पछाडिको भागबाट खसेको पहिरोले नयाँ पक्की भवनमा क्षति गरेको र पहिरो झरेको ठाउबाट ढुंगा आइरहेकाले विद्यालय बन्द गरिएको प्रधानाध्यापक हरिषचन्द्र बटालाले बताउनु भयाे । पहिरो आएको ठाउँबाट बेलाबेलामा ढुंगा पनि झर्ने गरेकाले बालबालिकालाई चोटपटक लाग्न सक्छ भनेर विद्यालय बन्द गरिएकाे प्रधानाध्यापक बटालाले बताउनु भयाे।
गाउँपालिकाको ३८ लाख लागतमा निर्माण भएको पक्की भवन क्षतिग्रस्त बनाएपछि विद्यार्थीलाई बस्ने ठाउँको अभाव भएको छ ।विद्यालयमा ४ सय भन्दा बढी विद्यार्थी छन् ।
