कालीकोट– शुभकालीका गाउँपालिका वडा नं. १ छातीमा स्काभेटर दुर्घटना हुँदा एक जनाको मृत्यु भएको छ भने एक जना घाईते भएका छन् । कर्णाली प्रदेश ०२–००१ क ०१२९ नम्बरको स्काभेटर आइतबार बेलुकी दुर्घटना हुँदा शुभकालीका १ छाती बस्ने अन्दाजी बर्ष २४ का दल बहादुर सिजालको घटना स्थलमै मृत्यु भएको जिल्ला प्रहरी कार्यालय कालीकोटका डिएसपी अर्जुन केसीले बताउनु भयो । उहाँका अनुसार दुर्घटनामा कैलाली जिल्ला चुरे गाउँपालिका ५ बर्ष २८ का हिक्मत रोक्का मगर घाइते भएका छन् । घाइतेको खुट्का फ्क्चर भएकाले थप उपचारका लागि कर्णाली प्रदेश अस्पताल सुर्खेत लगिएको छ ।
