कालीकोट– एकिकृत अखिल नेपाल शिक्षक संगठनले शिक्षक महासंघको नेतृत्व लिन महाबै ३ निवासी हिमालय माविका प्रधानाध्यापक टक्क बहादुर सिह सुशिललाई सिफारिस गरेको छ । शनिबार सदरमुकाम मान्ममा बसेकोे संगठनको पहिलो बैठकले शिक्षकहरुको छाता संगठन शिक्षक महासंघको नेतृत्वको लागि पहल कदमी लिन संगठनका जिल्ला अध्यक्ष कल बहादुर भण्डारीको नेतृत्वमा ७ सदस्य समितिको गठन गरेको छ । बैठकले भर्रखरै सम्पन्न केन्द्रिय सम्मेलन र प्रदेश सम्मेलनबाट निर्वाचित पदाधिकारी तथा सदस्यहरुलाई सम्मान गरेको छ । नौ वटा पालिकामा संगठनका तर्फबाट इन्चार्ज समेत तोकीएको शिक्षक हरि बहादुर सिंहले बताउनु भयो ।
