मिति:- ९ असार २०८१, शनिबार | समय:-
कर्णाली प्रदेशताजाखबरसमाचारस्थानीय

जिल्ला निर्वाचन कार्यालय डोल्पाले भन्यो

६ महिना भित्र निर्वाचन खर्चको विवरण बुझाउ

धन बहादुर के.सी
डोल्पा–स्थानीय तह निर्वाचन २०७९ मा उम्मेदवार भई निर्वाचन खर्च नबुझाएका उम्मेदवारहरुलाई ६ महिना भित्र निर्वाचन खर्च बुझाउन जिल्ला निर्वाचन कार्यालय डोल्पाले सूचना जारी गरेको छ । स्थानीय तह निर्वाचनमा गाउँपालिका अध्यक्ष तथा उपाध्यक्षमा उम्मेदवारी दिएका तर निर्वाचन खर्च नबुझाएका उम्मेदवारले ३ लाख ५० हजारका दरले जरिवाना बुझाउनु पर्ने छ ।
त्यस्तै गाउँपालिकाको वडा अध्यक्ष, वडा सदस्य, महिला सदस्य र दलित महिला सदस्यमा उम्मेदवारभई निर्वाचन खर्च नबुझाएका उम्मेदवारले जनही १ लाख ५० हजारका दरले जरिवाना रकम बुझाउनु पर्ने छ । नगरपालिकाको प्रमुख र उपप्रमुखको उम्मेदवारीभइ निर्वाचन खर्च नबुझाउने उम्मेदवारले जनही ४ लाख ५० हजार र नगरपालिकाको वडा अध्यक्ष, वडा सदस्य, महिला सदस्य र दलित महिला सदस्यमा उम्मेदवारभई निर्वाचन खर्च नबुझाएका उम्मेदवारले जनही २ लाखका दरले जरिवाना बुझाउनु पर्ने आयोगले प्रष्ट पारेको छ । आयोगले निर्वाचन आयोग ऐन २०७३ को दफा २४ बमोजिम आयोगले निधारण गरेबको खर्चको हद अनुसार हुने गरी सोही ऐनको दफा २६ को उपदफा १ बमोजिम जरिवाना तोकेको जनाएको छ । निर्वाचन खर्च नबुझाएका तर स्थानीय तह निर्वाचनमा बिजयी भएका उम्मेदवारहरुले ६ महिना भित्र जरिवाना नबुझाएमा पदीय दायित्वमा नरहने निर्वाचन आयोगका सूचना अधिकारी सूर्य प्रसाद अर्यालले बताउनु भयो । निर्वाचनमा पराजित भएकाहरुले पनि ६ महिना भित्र जरिवाना नबुझाए आगामी कुनैपनि निर्वाचनमा भाग लिन पाउने छैनन् ।

भरत प्रसाद देवकाेटा

जन्मथलो कालीकोट सान्नीत्रिबेणी ३ भइ काठमाडौमा बसोबास गर्दै आउनु भएका भरत प्रसाद देवकोटा समसामुहिक बिषयमा लेख रचनाहरु लेख्ने गर्नु हुन्छ ।

Related Articles

Leave a Reply

Your email address will not be published. Required fields are marked *

Back to top button

Adblock Detected

Please, off your Ad Blocker