ताजाखबरमुख्य खबरसमाचारस्थानीयस्वास्थ्य खबर
कर्णाली स्वास्थ्य विज्ञान प्रतिष्ठानकाे पहिलो दीक्षान्त समारोह हुँदै
जुम्ला- कर्णाली स्वास्थ्य विज्ञान प्रतिष्ठानको प्रथम दीक्षान्त समारोह बुधबार (भाेली) जुम्लामा हुने भएकाे छ । जनस्वास्थ्य, नर्सिङ र चिकित्साशास्त्र विषयमा स्नातक र स्नातकोत्तर तहमा अध्ययन गरेका ५८ विद्यार्थी दीक्षित हुने भएका छन् ।
गत भदौ २३ गते तय गरिएको दीक्षान्त समारोह कुलपतिसमेत रहेका प्रधानमन्त्री केपी शर्मा ओली नआउने भएपछि स्थगित भएको थियो । २८ गते बुधबार हुने दीक्षान्त समारोह कार्यक्रमको तयारी पूरा भएको प्रतिष्ठानले जनाएको छ ।
प्रधानमन्त्री ओलीले दीक्षान्त समारोहमा भाग लिएपछि प्रतिष्ठानको शैक्षिक भवनको समेत उद्घाटन गर्नुहुने भएको छ । कर्णाली स्वास्थ्य विज्ञान प्रतिष्ठानले स्वास्थ्य सेवा, स्वास्थ्य शिक्षा र अनुसन्धानको क्षेत्रमा महत्त्वपूर्ण योगदान गरेकाे छ ।
