कालीकाेट- बैशाख दोस्रो सातादेखि जुम्लामा कृषि तथा पर्यटन महोत्सव सुरु हुने भएको छ । कर्णालीको कृषि क्षेत्रको पहिचान गरेर पर्यटकहरु भित्र्याउने उदेश्यले जुम्ला सदरमुकाम खलंगाको राजासिममा वैशाख १२ देखि २३ गते सम्म महोत्सव आयोजना हुन लागेको हो । महोत्सवले जुम्लामा पाइने कृषि बस्तुहरुको प्रदर्शनी हुनुका साथै कला र संस्कृतिका माध्यमबाट कर्णालीको सुन्दरता चिनाउने लक्ष्य रहेको छ ।
राष्ट्रिय लोकदोहारी गीत प्रतिष्ठान जुम्लाको आयोजना र एके इभेन्ट बहुद्धेशीय प्रालि सुर्खेतको सहयोगमा महोत्सव हुन लागेको राष्ट्रिय लोकदोहारी गीत प्रतिष्ठान शाखा जुम्लाका सचिव विश्वराज खत्रीले जानकारी दिनु भयाे । फलफुलहरुमा स्याउ ओखर, बालीहरुमा मार्सीधान, मार्सी चामल, चिनो, कागुनो, फापर, सिमीको स्टलहरु समेत राखिने भएकाे छ ।
कपडाहरुमा परम्परागत राडीपाखीहरु, खरायोकाे राैहरुकाे टोपी राखिने भएकाे छ । बजारमा अधिक माग भएकाे तर मुल्य पाउन नसकेको कृषि जन्य बस्तुको बजारीकरणको लागि महोत्सवले सहयोग गर्ने जुम्लाका किसानहरुले बताएका छन् ।
उत्पादन वृद्धिसंगै कृषि क्षेत्रको महत्व प्रचारप्रसार गर्नका लागि बृहत् कृषि पर्यटन सांस्कृतिक महोत्सव हुन लागेको हाे ।
