मिति:- ९ बैशाख २०८१, आईतवार | समय:-
कर्णाली प्रदेशमुख्य खबरशिक्षासमाचार

शिक्षा क्षेत्रमा सुधार ल्याउन बृहत शैक्षिक गोष्ठी

कालीकोट– शिक्षा क्षेत्रको अवस्थामा सुधार ल्याउन उदेश्यले सदरमुकाम मान्ममा बृहत शैक्षिक गोष्ठी आयोजना गरिएको छ ।
जिल्ला शिक्षा समितिको आयोजना, विभिन्न गैह् सरकारी संस्थाहरुको सहयोग, जिल्लाका ९ वटै पालिका र शिक्षा सरोकारवालाहरुको सहभागितामा सदरमुकाम मान्ममा शुक्रवार गोष्ठीको आयोजना गरिएको हो ।
जिल्ला शिक्षा समन्वय समितिका संयोजक तथा जिल्ला समन्वय समितिका प्रमुख धनजितबहादुर शाहीको अध्यक्षता, संविधान सभा सदस्य तुलराज विष्टको प्रमुख आतिथ्यतामा शैक्षिक गोष्ठी गरिएको छ ।
गोष्ठीमा शिक्षकको व्यावसायिक विकास, समावेशी शिक्षा, कलामार्फत रचनात्मक शिक्षा र मूल्याङ्कनका विषयमा छलफल भएको बताइएको छ । विद्यालय शिक्षा क्षेत्रको प्राथमिकतासँग जोडिएर भएको छलफलमा नेपालको शिक्षा नीति र २१ औं शताब्दीको विद्यालयमा शिक्षाका आवश्यकता प्रणालीका बारेमा बहस भएको छ ।

गोष्ठीमा ९ वटै पालिकाका शिक्षा संयोजकहरुले पालिकामा अवस्थावारे जानकारी गराएका थिए । कार्यक्रममा राजनितिक दलका प्रमुख, ९ वटै पालिका प्रमुख, प्रधानाध्यापक लगायतका शैक्षिक सरोकारवालाहरुको सहभागिता रहेको थियो ।
गोष्ठीका सभागिहरुले विद्यालय शान्तिक्षेत्र घोषणा संगै शैक्षिक सुधारका लागी गरिएका प्रविद्धताहरु पुर्णरुपमा कार्यान्वय हुन नसकेको बताएका थिए ।
सामुदायिक विद्यालयहरुको अवस्थामा सुधार ल्याउन सवैले सामुदायिक विद्यालयमा आफ्ना बालवालिका भर्ना गराउनु पर्ने बताए । शिक्षा क्षेत्र सुधारका लागि सरकार देखी अभिभावक सम्म सवैको चासो र चिन्ता हुनु पर्नेमा सहभागीले जोड दिएका छन् ।

केहि पालिकाहरुले शिक्षामा आएको वजेट कटौती गरेर सडक र अन्य क्षेत्रमा लगानी गरेको सरोकारवालाहरुले आरोप लगाएका छन् ।
शिक्षामा नीति र वजेट सहितको व्यवस्था गर्न सके सामुदायिक विद्यालयको अवस्था सवैभन्दा बलियो र आकर्षक हुने सहभागीको भनाइ छ ।

भरत प्रसाद देवकाेटा

जन्मथलो कालीकोट सान्नीत्रिबेणी ३ भइ काठमाडौमा बसोबास गर्दै आउनु भएका भरत प्रसाद देवकोटा समसामुहिक बिषयमा लेख रचनाहरु लेख्ने गर्नु हुन्छ ।

Related Articles

Leave a Reply

Your email address will not be published. Required fields are marked *

Back to top button

Adblock Detected

Please, off your Ad Blocker