कालीकोट–पलाँता गाउँपालिका ३ को काब्रेखोला नजिकै बोलेरो गाडी दुर्घटना हुँदा ६ जनाको मृत्यु भएको छ । मृत्यु हुनेमा पलाँता ६ का दसकला शाही, पदम बम, भगवती रोकाया, गणेश शाही, पलाँता ५ का छाँया शाही र पलाँता ३ का ६ बर्षिया बालक दमन रोकाया रहेको प्रहरीले जनाएको छ । बोलेरो सडकबाट करिव ५ सय मिटर तलभिरमा खसेको छ ।
दुर्घटनामा घाइते भएका १३ जनालाइ नेपाली सेनाको हेलिकप्टर मार्फत प्रदेश अस्पताल सुर्खेत लगिएको कालीकोटका प्रमुख जिल्ला अधिकारी नारायण प्रसाद भट्टराईले बताउनु भयो । पलाँता गाउँपालिका ५ को खिन देखि पलाँता ९ थिर्पु तर्फ जाँदै गएको क १ ज ५६ नम्बरको बोलेरो जीप पलाँता ३ को राडु भन्ने ठाउँमा आइतबार दुर्घटना भएको छ ।
