कालीकोट– जिल्ला प्रशासन कार्यालय कालिकोटले एकै दिन एक सय पाँच नागरिकता प्रदान गरेको छ । ८५ वटा प्रतिलिपि र २० वटा नयाँ नागरिकता जारी गरेको जिल्ला प्रशासन कार्यालयका सूचना अधिकारी तथा सहायक प्रमुख जिल्ला अधिकारी सरोज अधिकारीले बताउनु भयो । उहाँका अनुसार आइतबार साँझ ७ बजे सम्म सेवा प्रवाह गरिएको थियो ।
त्यसरी सेवा प्रवाह गर्दा समेत ३० जना सेवाग्राहीलाइ सेवा दिन नसकी भाेली आउन भनिएकाे उहाँले बताउनु भयाे । त्यस्तै ४ वटा राहदानी वितरण, ६ वटा राहदानी इन्रोलमेन्ट, ४५ वटा राष्ट्रिय परिचयपत्र दर्ता, ११ वटा राष्ट्रिय परिचयपत्र वितरण, २९ वटा सिफारिस, २ वटा अन्य निकायमा पठाएका पत्र र २ वटा सवारी पास गरि कुल २ सय ४ वटा सेवा प्रवाह गरिएको छ । सेवा प्रवाहमा देखिएको संख्या यो बर्षकै उच्च हो ।
