स्वास्थ्य कर्मीको टोली प्रभावित स्थान रुडुमा पुग्यो
कालीकोट– कालीकोटको तिलागुफा नगरपालिका–१० रुडुमा रहेको महादेव माध्यमिक विद्यालयमा थाहा नभएको रोगले एक विद्यार्थीको ज्यान गएपछि बिहीबार स्वास्थ्य कर्मीको टोली त्यहाँ गएको छ ।
स्वास्थ्य सेवा कार्यालय कालीकोटका मेडिकल अधिकृत डाक्टर रामानन्द चौधरीको नेतृत्वमा पाँच सदस्यीय स्वास्थ्यकर्मीको रुडु पुगेको छ । स्वास्थ्य कर्मीले शुक्रबार बिहानै बाट उपचार थाल्ले कालीकोटका प्रमुख जिल्ला अधिकारी जोरासिंह माझीले बताउनु भयो । बिद्यालयमा अध्यायनरत १ सय ७८ जना बिद्यार्थी बिरामी परेको विद्यालयका प्रधानाध्यापक भरतबहादुर सिंहले बताउनुभयो ।
प्रारम्भिक बाल विकास (ईसीडी) का १३ जना शिक्षक र कक्षा ५ का १६ जना विद्यार्थीको अनुहार सुन्निएपछि कर्णाली स्वास्थ्य विज्ञान प्रतिष्ठान जुम्लामा र कक्षा ३ का १८ जना विद्यार्थीको कर्णाली प्रदेश अस्पताल सुर्खेतमा उपचार भइरहेको शिक्षक धर्मनन्द्र कोइरालाले बताउनुभयो ।
शुक्रबार रुडु पुगेर स्वास्थ्य कर्मीको टोलीले उपचार सुरु गर्ने र तर्फ स्वास्थ्य कर्मीको आवश्यता परेको पुनः पठाइने स्वास्थ्य सेवा कार्यालय कालीकोटका निमित्त स्वास्थ्य सेवा ब्यवस्थापक डाक्टर संकेत बिश्वकर्माले बताउनु भयो ।
