सिसि क्यामरा जडान गर्न सबै स्थानीयतहलाई पत्र
![](http://newsredpanda.com/wp-content/uploads/2023/05/जिल्ला_प्रशासन_कार्यालय_कालीकोट_।-780x470.jpg)
कालीकोट– जिल्ला प्रशासन कार्यालय कालीकोटले सिसि क्यामरा जडान गर्न स्थानीयतहलाई पत्रचार गरेको छ । स्थानीय बजार क्षेत्रमा हुने गैह् कानूनी कार्य नियन्त्रण गर्न र शान्ती सुरक्षामा सहयोग पुर्याउन आव २०८०/०८१ को बजेट नीति तथा कार्यक्रममा ब्यवस्था गर्न पत्रचार गरिएको कालीकोटका प्रमुख जिल्ला अधिकारी जोरासिंह माझीले बताउनु भयो ।
पलाँताको बार्खेबजार,गैरा पचालझरनाको जारकोट, पणेक्षा, रास्कोट नगरपालिकाको आरसिपि बजार, सान्नीत्रीवेणीको मेहलमुडी बजारक्षेत्र, नरहरीनाथको कुमालगाउँ बजार क्षेत्र, शुभकालीकाको सुकाटीया बजार क्षेत्र, महाबैको पाद्मगाड बजार क्षेत्र, तिलागुफा नगरपालिकाको नाग्म र गाल्जे बजार खाँडाचक्र नगरपालिकाको मान्म स्थानीयको हाट बजार हो ।
अघिल्लो आ.व को तुलनामा यो आ.व.मा चोरीका घटना बढ्दै गएको जिल्ला प्रहरी कार्यालय कालीकोटका सूचना अधिकारी सुबराज बलमे बताउनु भयो । यो आ.व को असाढ देखि हाल सम्म चोरीका ११ वटा निवेदन परेका छन् । सिसि क्यामरा जडान तथा संचालन कार्यबिधि २०७२ अनुसार स्थानीय तहलाई स्थानीयतहलाई पत्रचार गरिएको प्रमुख जिल्ला अधिकारी माझीले बताउनु भयो ।
यसै बिच खाँडाचक्र नगरपालिकाले दुई बर्ष अघि करिव ८० लाखको लगानीमा बजार क्षेत्रमा राखिएका शौर्य बत्ती तथा सिसि क्यामराले महिना दिन नचलेर बिग्रिएका छन् । खाँडाचक्र नगरपालिका लाई बारम्बार क्यामरा जडानका लागि अनुरोध गरिए पनि सुनुवाइ भएको छैन ।