
कालीकोट – कालीकोटको तिलागुफा नगरपालिका वडा नं १ भिग्मको नदी किनारमा पैडी खेल्ने क्रममा बगेका दुई बालकमध्ये एक जनाको उद्धार भएको छ । अर्का एक जना बेपत्ता भएका छन् । नदीमा बगेका जाजरकोट घर भइ अहिले तिलागुफामा बस्दै आएका चन्द्रविक्रम शाहीका छोरा १२ वर्षीय लेकविक्रमको उद्धार गरिएको प्रहरीले जनाएको छ । नदीमा बगेका तिलागुफा १ का चन्द्र बुढाका छोरा १२ वर्षीय छोरा तपेन्द्र भने बेपत्ता भएका छन् । उनको खोजी भइरहेको प्रहरीले जनाएको छ ।