कालीकोट– बैकिंङ कसुर गरेको आरोपमा खाँडाचक्र नगरपालिका–११ रेगिंलका धीरबहादुर शाहीलाई प्रहरीले पक्राउ गरेको छ । ४३ वर्षीय शाहीले रकम नभएको बैंक खाताको चेक दिएर बैकिंङ कसुर गरेको आरोपमा प्रहरीले पक्राउ गरेको हो ।
शाही विरुद्ध ठगीमा जाहेरी परको थियो । जाहेरी परेको थाहा पाएपछि शाही फरार भएका थिए । शाहीले ४ जनालाई खातामा रकम नभएको चेक दिएका थिए । शाही विरुद्ध कालीकोटका नन्दाकुमारी सिंह, दुर्गबहादुर शाही, नरेन्द्र विष्ट र कमला शाहीले ठगी गरेको भन्दै जाहेरी दिएका थिए ।
चेक बाउन्सको मुद्दा परेपछि कालीकोटबाट काठमाडौं गएर लुकीछिपि बसेको अवस्थामा भदौ ३१ गते उपत्यका प्रहरी कार्यालय काठमाडौंको सहयोगमा पक्राउ गरिएको जिल्ला प्रहरी कार्यालय कालीकोटका सूचना अधिकारी गोविन्दप्रसाद चौधरीले बताउनु भयो । प्रहरीले असोज १ गते जिल्ला अदालत कालीकोट बाट म्याद थप गरी अनुसन्धान सुरु गरेको छ ।
कालीकोटमा पछिल्लो पटक चेक बाउन्सका मुद्दा धेरै पर्ने गरेको प्रहरीले जनाएको छ । चालु आर्थिक बर्षमा मात्र ६ जनालाई चेक बाउन्स मुद्दामा पक्राउ गरिएको प्रहरीले जनाएको छ ।
