पर्यटन प्रर्वद्धनका लागि रुडुबन्चुमा हिउँदे नगरसभा

कालीकोट-तिलागुफा नगरपालिकाले प्रर्यटन प्रर्वद्धनका लागि नगरपालिकाको हिउँदे नगरसभा तिलागुफा १० को रुडुबन्चुमा क्षेत्रमा गर्ने भएको छ । मंगलबार नगर प्रमुख शंकर प्रशाद उपाध्यायको अध्यक्षतामा बसेको नगरकार्यपालिकाको बैठकले पर्यटन प्रर्वद्धनका लागि रुडुबन्चु क्षेत्रमा माघ २१ गते नगर सभा गर्न लागेको नगर उपप्रमुख महेन्द्र बहादुर शाहीले बताउनु भयो ।

सुन्दर पाटन र मनमोहक दृष्य भएको रुडुबन्चु क्षेत्रमा पहिलो पटक नगरपालिकाले हिउँदे नगर सभा गर्न लागेको हो । नगर सभा अन्य वडाको पर्यटकिय क्षेत्रमा गर्ने तिलागुफा नगरपालिका पहिलो स्थानीय तह हुने भएको छ ।