गाउँमै नेपाली कागज उत्पादन सुरु

कालीकोट– यहाँको नरहरीनाथ गाउँपालिकाले गाउँमै नेपाली कागज उत्पादन सुरु गरेको छ । गाउँमै पाइने लोक्ता सेतवढुको संकलन गरेर कागज उत्पान सुरु गरिएको नरहरीनाथ गाउँपालिका अध्यक्ष नगेन्द्र विष्टले बताउनु भयो । नरहरीनाथ गाउँपालिका उद्यम विकास शाखाको २ लाख ४० हजार टोप्ला लघुउद्यम विकास समुह गठन गरी नरहरीनाथ ५ मा कागज उद्योग संचालन गरिएकोे समुहका अध्यक्ष जसमल बोगटीले बताउनु भयो ।

बैसाखमा स्थापना गरिएको उद्यागले २ सय भन्दा बढी नेपाल कागज ताउ उत्पादन गरेको छ । यस पटकको गाउँ सभामा नरहरीनाथ गाउँपालिकाले आफ्नै उत्पादनको नेपाली कागजबाट बनेको झोला र डायरी प्रयोग गर्ने भएको छ । करिव ५ फिट अग्लो हुने लोक्ताको बोट काटेर कागज बनाउन प्रयोग गरिन्छ ।

काटेको बोट पुनः दोस्रो बर्ष धेरै हाँगा सहित पलाउने गर्द छ । नेपाल कागज बनाउन चाहिने अन्य केमिकल कास्टिङ सोडा, ब्रिफ पाउडर र नुरी समेत खरिद गरी ल्याइएको समितिका अध्यक्ष बोगटीले बताउने भयो । उद्योग संचालनमा आए पछि स्थानीय ४ जनाले रोजगारी पाएका छन् । अझै अद्योग संचालनका लागि चाहिने उपकरण अभाव रहेको बोगटीले बताउनु भयो ।