संविधान दिवस, बिरामीलाई फलफूल वितरण

कालिकोट–संविधान दिवसको अवसरमा महावै गाउँपालिका अध्यक्ष खेमबहादुर सिंह भिजनले जिल्ला अस्पताल कालिकोटमा रहेका विरामीहरुलाई फलफूल र अण्डा वितरण गर्नु भएको छ । संविधान दिवसले एकता, आपसी सहयोग तथा सद्भावको कायम गर्ने गाउँपालिका अध्यक्ष सिहले बताउनु भयो ।
नेपालीहरुको खुशीको दिन भएकाले यस दिनलाई बिषेश महत्वको साथ मनाउनु पर्ने बताउनु भयो । सोमबार महावै गाउँपालिका सबै घर–घरमा दिप प्रज्वलन गरेर संविधान दिवस मनाउन अध्यक्ष सिहले आग्रह गर्नु भयो ।
फलफूल बितरण कार्यक्रममा प्रमुख जिल्ला अधिकारी रामहरि शर्मा,जिल्ला अस्पताल विकास समितिका अध्यक्ष गोगन मल्ल,जिल्ला अस्पताल कालिकोटका कार्यालय प्रमुख डा.रत्नविर सुनार ,सूचना अधिकारी कटक महत,महावै गाउँपालिका निमित्त प्रमुख प्रशासकीय अधिकृत गणेशमान सिंह, कर्मचारी ,स्वास्थ्यकर्मीहरुको उपस्थिति रहेको थियो ।