घरमै पुगेर सामाजिक सुरक्षा भत्ता वितरण

कालीकोट–रास्कोट नगरपालिकाले घर–घरमै पुगेर सामाजिक सुरक्षा भत्ता वितरण गर्न थालको छ । दशै तिहार नजिकिदै गर्दा रास्कोट नगरपालिका नगरप्रमुख धर्मराज शाही, प्रमुख प्रशासकीय अधिकृत जवानसिंह वम र वडाध्यक्षले घरमै पुगेर सामाजिक सुरक्षा भत्ता वितरण गर्नु भएको हो ।

यस आर्थिक बर्षको पहिलो किस्ता सामाजिक सुरक्षा भत्ता अशक्त र वृद्धवृद्धाहरुले हातमै पाएका छन । वुधवार नगरपालिकाको ९ र ८ वडाका स्थानीय बासिन्दाले सामाजिक सुरक्षा भत्ता घरमै पाएका हुन् ।

सामाजिक सुरक्षा भत्ता लिनका लागि नगरपालिकाको कार्यालय पुग्नु पर्ने बाध्यताको अन्त्य गर्न नगरपालिकाले बैक संगको समन्वयमा घरैमा पुगेर सामाजिक सुरक्षा भत्ता वितरण गर्न थालेको नगर प्रमुख शाहीले बताउनु भयो ।

नगरपालिकाका ९ वटै वडामा पुगेर सामाजिक सुरक्षाभत्ता वितरण गरिने नगरपालिकाले जनाएको छ । घरमै सामाजिक सुरक्षा भत्ता पाउदा लाभग्राही खुशी देखिएका छन् ।