कालीकोट- तिलागुफा नगरपालिका वडा नं.४ को राँचुलीमा मतदान सुरु भएको छ । बिहान ७ बजेर ८ मिनेट जाँदा मतदान सुरु भएको डिएसपी टेक बहादुर रावतले बताउनु भयो । वडा अध्यक्ष पदका लागि राँचुलीमा स्थानीय तह उपनिर्वाचन २०८१ हुन लागेको हो । ६ सय ९ मतादाता रहेको तिलागुफा ४ मा मृत्यु भएका र देशबाहिर रहेका मतदाताको संख्या ९१ छ । विभिन्न पेशा र व्यवसायका लागि जिल्ला बाहिर हरेका १ सय २ मतदाता छन् । १० जनाको नाम दोहोरिएको छ । हाल गाउँमा ४ सय ६ जना मात्र मतदाता रहेको हिसाब दलका कार्यकर्ताले निकालेका छन् । वडा अध्यक्ष पदका लागि ६ जना उम्मेदवार चुनाव लड्दै छन् ।
