आज बिश्वकर्मा पुजा, को हुन् विश्वकर्मा ?

अर्को एउटा प्रसङ्ग पनि छ । कुनै समयमा धर्मको यति धेरै प्रचार भयो कि सबै मानिसहरू भगवानप्रति लीन भए । सबै भगवानको पाठपूजा , भजन कीर्तन तर्फ लागे । भगवानको पूजा अर्चना गर्ने, उपासना गर्ने, वनजंगलमा गइ फलफूल कन्दमुल खाने गर्न थाले । जताततै शास्त्रार्थका मात्र कुरा हुन थाले । यसो हुँदा एकातिर स्वर्गको इन्द्रासन डगमगाउन थाल्ने भयो भने अर्कोतिर जताततै खाने कुराको हाहाकार हुन थाल्ने भयो । यो विपत्ति आउने देखेर भगवान श्रीविष्णु विश्वकर्मा अवतार धारण गरि विभिन्न साधन तथा औजार, कलकारखाना खोली मानिसलाई कर्मशील बनाउनु भएको र त्यस दिनदेखि भगवान श्रीविष्णुले जसले वास्तुकला तथा शिल्पकलाको काम गर्दछ म तिनीहरूकै साधनमा अवतरित हुनेछु भन्नुभएको हुँदा आज विभिन्न साधनहरूलाई भगवान विष्णुको साक्षात् रूप ठानी पूजा गर्ने परम्पराको विकास भएको मानिन्छ ।