मतदान अधिकृत र सहायक मतदान अधिकृतका लागि दुई दिने तालिम सम्पन्न
कालीकोटः– प्रतिनिधि सभा तथा प्रदेश सभा निर्वाचनमा खटिने मतदान अधिकृत र सहायक मतदान अधिकृतका लागि दुई दिने तालिम सदरमुकाम मान्ममा सम्पन्न भएको छ । २७ र २८ गते छुट्टा छुट्दै दुई वटा तालिमहलमा संचालन भएको तालिममा १ सय २३ मतदान केन्द्रका २ सय ४६ जना र अस्थायी मतदान केन्द्रका २ जना गरी कुल २ सय ४८ जनाले तालिम लिएको जिल्ला निर्वाचन कार्यालयका सूचना अधिकारी धन बहादुर मल्लले बताउनु भयो । 
तालिमको सहजिकरण जिल्ला न्यायधिस तथा मुख्य निर्वाचन अधिकृत भरत लम्साल, प्रमुख जिल्ला अधिकारी रामहरि शर्मा, जिल्ला निर्वाचन अधिकारी नन्दराम चौलागाई, प्रहरी नायव उपरिक्षक जयश्वर रिमालले गर्नु भएको थियो । मंसिर १ गते सम्म मतदान अधिकृत सहितका कर्मचारीहरु सबै मतदान केन्द्रमा पुगि सक्ने निर्वाचन आयोगले जनाएको छ । कालीकोटका १ सय २३ मतदान स्थल मध्य ७४ मतदान स्थल अतिसंबेदलशील २८ मतदान स्थल संवेदनशील र १ सामान्य रहेको जिल्ला निर्वाचन सुरक्षा समितिले जनाएको छ । कालीकोटमा ८० हजार ७ सय ३३ मतदाता छन् ।
